ദേശീയ വനിതാ സംഗമം

ദേശീയ വനിതാ സംഗമം ഭംഗിയായ് അവസാനിച്ചു. രണ്ടാം ദിവസം ആരോഗ്യ പ്രശ്നം മൂലം മുഴുവൻ പങ്കെടുക്കാൻ കഴിഞ്ഞില്ലെങ്കിലും ആദ്യ ദിവസം ഒരനുഭവം തന്നെയായിരുന്നു. രാജ്യത്തിന്റെ പല കോണിൽ നിന്നും സാമൂഹത്തിൽ സ്ഥാനമുറപ്പിച്ച പെൺ ശബ്ദങ്ങൾ തങ്ങളുടെ ലോകത്തെ അടയാളപ്പെടുത്തി സംസാരിച്ചു.സംസ്ക്കാരം., രാഷ്ട്രീയം, സാമ്പത്തികം എന്നീ രംഗങ്ങളിലെ പെണ്ണിനെ വിശകലനം ചെയ്യുന്ന മൂന്ന് പാരലൽ സെഷനുകൾ. ഞാൻ സംസ്ക്കാരം എന്ന സംഘത്തിൽ നവ മാധ്യമങ്ങളിലെ പെണ്ണിടങ്ങൾ എന്ന വിഷയത്തിൽ പേപ്പറവതരിപ്പിച്ചു.. ഹൃദ്യമായ പ്രതികരണങ്ങളും അഭിപ്രായപ്രകടനങ്ങളും പ്രോത്സാഹനവുമൊക്കെ ണ്ടായെങ്കിലും ഒരു പയ്യൻ വല്ലാതെ വെറുപ്പിൽ സ്വകാര്യമായ് വന്നു വഴക്കുമിട്ടു കേട്ടോ... കാര്യം ഇപ്പൊ ഓർത്തിട്ട് ചിരി വരുന്നുണ്ടെങ്കിലും അന്നേരം വല്ലാണ്ട് ബുദ്ധിമുട്ടായിരുന്നു.. ന്റ പ്രസന്റേഷനിൽ for a better fb എന്ന കാമ്പൈയ്‌നെ കുറിച്ച് സൂചിപ്പിച്ചിരുന്നു... അവിടെ ഇതേ കാബെനെക്കുറിച്ച് ശ്രീ വെങ്കിടേശിന്റെയും തോമസ് ഐസക്കിന്റെയും വിശദീകരണമടങ്ങിയ ഒരു പോസ്റ്ററാണ് നൽകിയത്... അതായിരുന്നു ലഭ്യമായിരുന്നത്. പയ്യൻസ് ബഹളമുണ്ടാക്കിയത് മൂവ്മെന്റ് തുടങ്ങിയ പത്ത് വനിതകളുടെ പേര് ,ചിത്രം ഇവ ഉൾപ്പെടുത്താതെ സഖാക്ക ളുടെ പരസ്യം നൽകി എന്ന് പറഞ്ഞും. എന്താ ചെയ്ക... ലഭ്യമായത് നൽകി എന്നല്ലാതെ മറ്റുദ്ദേശങ്ങളൊന്നും നിക്കില്ലായിരുന്നല്ലോ.. മാത്രല്ല ഇവരെയൊക്കെ കുറിച്ചും ഇവരുടെ പോസ്റ്റുകളെയും പ്രശ്നങ്ങളെയും സംബന്ധിച്ചും സംസാരത്തിൽ ഞാൻ വിശദമാക്കിയതുമാണ്. എന്തായാലും ഒരു നല്ല വിമർശനമെന്ന നിലയിൽ ഞാനത് ഉൾക്കൊള്ളുകയും കക്ഷിയോട് ക്ഷമിക്കണം അടുത്ത തവണ അതൂടി ഉൾപ്പെടുത്തി ശരിയാക്കാംന്നും പറഞ്ഞു .. എന്നാ അത് കേൾക്കുമ്പാ മര്യാദയോടെ സംസാരിക്കേണ്ടുന്നതിനു പകരം ആളു പറഞ്ഞത്... എന്തായാലും നിങ്ങള് കാട്ടിത് തെണ്ടിത്തരാണ്, പരസ്യായ് എഫ്ബിലു മാപ്പു പറയണം ,തെറി വിളിക്കയാണ് ചെയ്യേണ്ടത് എന്ന്...

ഇത്രയുമായ സ്ഥിതിക്ക് ...
ആദ്യായും ഒരു പക്ഷേ അവസാനമായും കണ്ട അജ്ഞാതനായ യുവാവേ... താങ്കളSക്കമുള്ള അനേകമാളുകളുടെ പ്രശ്നം ഇതാണ്... തെറി പറഞ്ഞ് പെണ്ണിനെ ഒതുക്കും എന്ന ധാരണ.. അസഹിഷ്ണുവായ താങ്കളെ അപ്പോൾ ഞാൻ കേട്ടു നിന്നത് മാറ്റത്തിനു വേണ്ടി പൊരുതുന്ന മായാലീലയുടെയും പ്രീതയുടെയും അടക്കമുള്ളവരോടുള്ള സ്നേഹവും ബഹുമാനവും കൊണ്ടാണ്... അവരാവശ്യപ്പെടുന്ന ഇടത്തിന് ഇടങ്കോലാകുന്നത് താങ്കളെ പോലെ വെറുതേ അലറുന്ന ചില കോമാളികൾ തന്നെയാണ്.
എന്റെ സംസാരം, ഭാഷ, ആശയം.. അതെന്റെ സ്വാതന്ത്യമാണ്...അവരാവശ്യപ്പെട്ടപ്പോൾ നിങ്ങൾ കുട പിടിച്ച അതേ ആവശ്യം മറ്റൊരു പെണ്ണ് പറയുമ്പോൾ നിങ്ങൾക്കത് അംഗീകരിക്കാനായില്ലെങ്കിൽ കഷ്ടം എന്നല്ലാതെ എന്ത് പറയാൻ...
പിന്നെ.... ആ പത്ത് പേരുണ്ടല്ലോ, അവരീ മുഖപ്പുസ്തകത്തെ നന്നാക്കാൻ തുനിഞ്ഞത് പ്രശസ്തിക്കു വേണ്ടിയല്ല... അത് കൊണ്ട് തന്നെ അവരോട് മാപ്പപേക്ഷിക്കേണ്ട കാര്യവുമില്ല... ദയവായ് മറ്റൊരാളോട് അവരുടെ സുഹൃത്താണ് എന്ന് സ്വയം പറയാതിരിക്കുക. അവരെ നാണം കെടുത്താതിരിക്കുക...
എവിടെയെങ്കിലുമിരുന്ന് അങ്ങിത് വായിക്കും എന്ന പ്രത്യാശയിൽ
ആദി