അകലങ്ങളിലെ കലാം ..

( ഒക്കെയും കഴിഞ്ഞ് ഒടുവിലെന്റെ വാക്ക് .... )
അകലങ്ങളിലെ കലാം ..
ഞാനങ്ങയുടെ സമകാലിക ..
കാലത്തിന്റെ കണക്കു പുസ്തകത്തിൽ ,
കാണാമറയത്തെ സഹയാത്രിക .

അങ്ങ് ഗോളന്താരങ്ങളുടെ
ഗണിതങ്ങൾ കുരുക്കഴിക്കുമ്പോൾ
ഞാൻ "അഗ്നിച്ചിറകി"ലേറി
പിന്നാലെ വന്നിരുന്നു ,
"ജ്വലിക്കുന്ന മനസ്സു"മായ്
അങ്ങ് തീവണ്ടിക്കു പിന്നാലെ പായവേ
പത്രക്കെട്ടുകൾ എന്നെ നോക്കി പരിഹസിച്ചിരുന്നു ..
"അങ്ങൊന്നാമനായിരുന്നു" ..
ഞാൻ പിന്നിൽ ,
അങ്ങയെ കാണാൻ മാത്രമൊളിച്ചിരുന്നിരുന്നു .
ആ കണ്ണുകൾ ആകാശം കണ്ടിരുന്നു ,
ഞങ്ങളുടെ ആകാശമാകട്ടെ അവയായിരുന്നു !
അങ്ങ് ശാസ്ത്രത്തിന്റെ "ദൈവവചന"മായിരുന്നു
ഞാനങ്ങയെ പൂജിച്ചിരുന്നു ..
മിസൈലുകളുടെ മിന്നൽ വേഗത്തിൽ
അങ്ങ് പറന്നുയരുമ്പോൾ
അങ്ങേക്ക് 'യാത്രാ'മംഗളങ്ങൾ
"ഇന്ത്യയുടെ ആത്മാവിനു "നിത്യശാന്തി
ഇരുപതുകളുടെ ഇന്ത്യയെ പിന്തുടരാൻ
ഇനിയെന്റെ കാലുകൾ അങ്ങേയ്ക്ക് ദക്ഷിണ .
കാണാത്ത കാല്പാദങ്ങളിൽ ,
സ്വപ്നങ്ങളാൽ അശ്രുധാര !
(ആദിവേദന)