എന്‍റെ അശരീരി

ഇതെന്റെ അശരീരി .."മനുഷ്യനെ പഠിക്കരുത് .."
എന്തെന്നാൽ ....
എത്ര വായിച്ചാലും നിനക്കവരെ ഗ്രഹിക്കാനാവുകയില്ല ...
ഒരിക്കലും ആവർത്തിക്കാത്ത ശാസ്ത്രമാണ് അവന്റെ ശരികൾ..
ഒരിക്കലും തെളിയാത്ത ദൈവികത അവന്റെ നേരും . 
പഠിച്ചാൽ ....
ഒടുവിൽ ജീവിതപ്പരീക്ഷയിൽ
നീ ഉത്തരമറിയാതെ ഉഴറും ..
ശരിയെന്നു കരുതിയതെല്ലാം തെറ്റിത്തീരും
നീ എപ്പോഴും തോറ്റു കൊണ്ടേയിരിക്കും
ഈ ഉത്തരങ്ങൾ ,
മുൻപ് ശരിയായിരുന്നൂവെന്നു
വേണെമെങ്കിൽ നിനക്ക് വാദിക്കാം ..
ദൈവത്തിന്റെത് എന്ന് പറയപ്പെടുന്ന ഇടങ്ങളിൽ
അപ്പീലുകൾ നൽകാം ..
കെട്ടിക്കിടക്കുന്ന പരാതിപ്പെട്ടിയിൽ
പുള്ളിയിതും സൂക്ഷിച്ചു കൊള്ളും ..!
പരാതികൾ തീരെയില്ലാതെ ; ശുഷ്കാന്തിയോടെ ...

ആദിബോധം