വിശ്വസിക്കുക ..

അറിയുന്നതറിവല്ലെന്നു കാലം
പഠിച്ചതു പതിരെന്നു ലോകം
പറഞ്ഞതു വീണ്ടും പറഞ്ഞും
പറയേണ്ടതെല്ലാമൊളിച്ചും
അടിയൊഴുക്കിൽ പെട്ടുലഞ്ഞ് 
അടിയുടുപ്പിൽ കുരുങ്ങി
അനേകർക്കൊപ്പം ഞാനും ..
നിങ്ങൾ പറയുന്നു :
"ചിന്തിക്കുന്നവർക്ക് ദൃഷ്ടാന്തം "
"സന്മനസ്സുള്ളവർക്ക് സമാധാനം "
"ലോകാ സമസ്താ സുഖിനോ ഭവന്തു "
കണ്ടുകേട്ടെൻറെ കരളു നീറുന്നു
കണ്ടതുച്ചത്തിൽ കവിതയായി ചൊല്ലുന്നു :
വിശ്വസിക്കുക ....
'പ്രവർത്തിക്കുന്നവർക്ക് പ്രത്യാശ
സന്മനസ്സുള്ളവർക്ക് സദാ നാശം
ലോകം സമസ്തം ദുരിതം അശാന്തി '

                           ..........ആദിനെഞ്ചം