കളങ്കം

ഒളിച്ചു കളിക്കിടയിൽ
നിഷ്കളങ്കത കളഞ്ഞു പോയ കുട്ടിയെ പോലെ
ഞാൻ പകച്ചു നിന്നു ..
അത് വരെ എപ്പോഴും നീയെന്നെ കണ്ടു പിടിച്ചു
എവിടെയൊളിച്ചാലും സാറ്റടിച്ചു
കണ്ണു കണ്ടാലും കയ്യടിച്ചു വിളിച്ചു
ഞാൻ ഒളിക്കാനറിയാത്തവൾ '
നിനക്കായി ആരാധനയോടെ കീഴടങ്ങി !
ഇനി രംഗം രണ്ട്
എന്റെയൂഴം ,
കളങ്കം കണ്ണ് തുറന്ന കളിയരങ്ങ് ..
കള്ളസാറ്റ് ,
ഒന്ന് ..രണ്ടു ..മൂന്നു ..അമ്പതു ..
നെഞ്ചിൽ
നിന്റെ ശ്വാസത്തിന്റെ ശബ്ദം ..
ഏയ് ... ഒളിക്കണ്ട !!!
ഇങ്ങു പോരെ .കണ്ടുപിടിച്ചു !!!

ആദിക്കളങ്കം